13

ച​മ്പ​ക്കു​ളം:​പ​ള്ളാ​ത്തു​രു​ത്തി​യി​ലെ ഇ​ടു​ങ്ങി​യ റോ​ഡി​ൽ അ​ന​ധി​കൃ​ത​മാ​യി വാ​ഹ​ന​ങ്ങ​ൾ പാ​ർ​ക്ക് ചെ​യ്യു​ന്ന​ത് അ​പ​ക​ടം ക്ഷ​ണി​ച്ചു​വ​രു​ത്തു​ന്ന​തോ​ടൊ​പ്പം യാ​ത്രാ ത​ട​സ​വും സൃ​ഷ്‌​ടി​ക്കു​ന്ന​താ​യി പ​രാ​തി.

പ​ള്ളാ​ത്തു​രു​ത്തി പാ​ല​ത്തി​ന് കി​ഴ​ക്കേ ക​ര​യി​ൽ തെ​ക്ക് വ​ശ​ത്തു​ള്ള, ആ​റ്റി​റ​മ്പി​ലൂ​ടെ തെ​ക്കോ​ട്ടേ​യ്ക്കു പോ​കു​ന്ന റോ​ഡി​ൽ ഹൗ​സ് മ്പോ​ട്ട് യാ​ത്ര​യ്ക്ക് എ​ത്തു​ന്ന​വ​രു​ടെ വാ​ഹ​ന​ങ്ങ​ൾ അ​ന​ധി​കൃ​ത​മാ​യി രാ​വി​ലെ മു​ത​ൽ വൈ​കു​ന്നേ​രം വ​രെ യാ​തൊ​രു മാ​ന​ദ​ണ്ഡ​വും പാ​ലി​ക്കാ​തെ ഇ​ടു​ങ്ങി​യ റോ​ഡി​ന്‍റെ വ​ശ​ങ്ങ​ളി​ൽ പാ​ർ​ക്ക് ചെ​യ്യു​ന്ന​തി​നാ​ൽ ഇ​തു​വ​ഴി​യു​ള്ള ഗ​താ​ഗ​തം ത​ന്നെ ത​ട​സ​പ്പെ​ടു​ക​യും, അ​പ​ക​ടം ഉ​ണ്ടാ​വു​ക​യും ചെ​യ്യു​ന്നു. ചി​ല അ​വ​സ​ര​ങ്ങ​ളി​ൽ പ​ള്ളാ​ത്തു​രു​ത്തി പാ​ല​ത്തി​ന്‍റെ വ​ശ​ങ്ങ​ളി​ൽ പോ​ലും വാ​ഹ​ന​ങ്ങ​ൾ പാ​ർ​ക്ക് ചെ​യ്യാ​റു​ണ്ട്.

ഹൗ​സ് മ്പോ​ട്ട് യാ​ത്ര​യ്ക്ക് എ​ത്തു​ന്ന​വ​ർ പ​ക​ൽ മു​ഴു​വ​നാ​യും, ഒ​രു​പ​ക​ലും രാ​ത്രി​യും എ​ന്ന ക​ണ​ക്കി​ലും റോ​ഡി​ന് വ​ശ​ത്ത് വാ​ഹ​നം പാ​ർ​ക്ക് ചെ​യ്തുപോ​കു​ന്ന​ത് ഇ​വി​ടു​ത്തെ പ​തി​വ് കാ​ഴ്ച​യാ​ണ്. നി​ര​നി​ര​യാ​യി വാ​ഹ​നം പാ​ർ​ക്ക് ചെ​യ്ത് ക​ഴി​ഞ്ഞാ​ൽ ഒ​രു വാ​ഹ​ന​ത്തി​ന് മാ​ത്രം പോ​കാ​നു​ള്ള വ​ഴി മാ​ത്ര​മേ ഇ​വി​ടെ ഉ​ള്ളു. ഒ​രു ഭാ​ഗ​ത്ത് നി​ന്നും വ​ണ്ടി വ​രു​മ്പോ​ൾ മ​റു​ഭാ​ഗ​ത്ത് നി​ന്ന് വ​ണ്ടി ക​യ​റി വ​ന്നാ​ൽ ഏ​തെ​ങ്കി​ലും ഒ​രു വ​ണ്ടി പി​ന്നാക്കം പോ​കാ​തെ ഇ​വി​ടെ യാ​ത്ര സാ​ധ്യ​മാ​കി​ല്ല. പ​ല​പ്പോ​ഴും ഇ​രു​ഭാ​ഗ​ത്തു​ള്ള​വ​രും പി​ന്നോ​ട്ട് പോ​കാ​ൻ തയാ​റാ​കാ​തെ വ​രു​മ്പോ​ൾ പ​ല​പ്പോ​ഴും ത​ർ​ക്ക​ങ്ങ​ൾ​ക്കും കാ​ര​ണ​മാ​കാ​റു​ണ്ട്.

ക​ഴി​ഞ്ഞ ദി​വ​സം പ​ള്ളാ​ത്തു​രു​ത്തി പ​ള്ളി​യി​ൽ ഒ​രു മൃ​ത​സം​സ്‌​കാ​ര ച​ട​ങ്ങി​ന് ആ​ളു​ക​ൾ എ​ത്തി​യ വാ​ഹ​ന​ങ്ങ​ളെ​ല്ലാം ഈ ​റോ​ഡി​ലെ അ​ന​ധി​കൃ​ത പാ​ർ​ക്കിം​ഗ് മൂ​ലം പ​ള്ളി മൈ​താ​ന​ത്തേ​യ്ക്ക് എ​ത്തി​ക്കാ​നാ​വ​തെ പോ​യ​തി​നാ​ൽ എ​സി റോ​ഡി​ന് വ​ശ​ങ്ങ​ളി​ൽ പാ​ർ​ക്ക് ചെ​യ്യാ​ൻ നി​ർ​ബ​ന്ധി​ത​മാ​യി. എ​സി റോ​ഡി​ലെ വി​ചി​ത്ര​മാ​യ ഓ​ട നി​ർ​മ്മാ​ണം കാ​ര​ണം ഇ​വി​ടെ​യും റോ​ഡി​ലാ​ണ് വാ​ഹ​ന​ങ്ങ​ൾ പാ​ർ​ക്ക് ചെ​യ്യേ​ണ്ടി​വ​ന്ന​ത്. റോ​ഡി​ന്‍റെ പു​ന​രു​ദ്ധാ​ര​ണ പ്ര​വ​ർ​ത്ത​ന​ത്തി​ന് മുൻപ് ഉ​ണ്ടാ​യി​രു​ന്ന പാ​ർ​ക്കിം​ഗ് സൗ​ക​ര്യം പൂ​ർ​ണ​മാ​യി ന​ഷ്ട​പ്പെ​ട്ട അ​വ​സ്ഥ​യാ​ണ്.

മേ​ൽ​പ​റ​ഞ്ഞ റോ​ഡി​ന്‍റെ തെ​ക്കു​വ​ശ​ത്തെ അ​ന​ധി​കൃ​ത ക​ച്ച​വ​ട​ങ്ങ​ൾ കൂ​ടി ആ​കു​മ്പോ​ൾ റോ​ഡി​ലെ അ​സൗ​ക​ര്യ​ങ്ങ​ൾ പൂ​ർ​ത്തി​യാ​കും. അ​ന​ധി​കൃ​ത​മാ​യി പാ​ർ​ക്ക് ചെ​യ്യു​ന്ന വാ​ഹ​ന​ങ്ങ​ൾ​ക്കെ​തി​രേ ന​ട​പ​ടി എ​ടു​ക്ക​ണ​മെ​ന്നും റോ​ഡ് യാ​ത്ര​യ്ക്ക് അ​സൗ​ക​ര്യം സൃ​ഷ്ടി​ക്കു​ന്ന ത​ര​ത്തി​ലു​ള്ള അ​ന​ധി​കൃ​ത ക​ച്ച​വ​ട​ക്കാ​രെ ഒ​ഴി​പ്പി​ക്ക​ണ​മെ​ന്നു​മാ​ണ് നാ​ട്ടു​കാ​രു​ടെ ആ​വ​ശ്യം. വ​ഴി​യി​ൽ പാ​ർ​ക്ക് ചെ​യ്യാ​തെ മ​റ്റ് എ​വി​ടേ​ക്കെ​ങ്കി​ലും മാ​റ്റി പാ​ർ​ക്ക് ചെ​യ്യാ​ൻ വേ​ണ്ട നി​ർ​ദേ​ശം ഉ​ണ്ടാ​വ​ണം.

ഹൗ​സ് ബോ​ട്ട് യ​ത്ര​യ്ക്കാ​യി എ​ത്തു​ന്ന വി​ദേ​ശി​ക​ൾ ഉ​ൾ​പ്പെ​ടു​ന്ന നി​ര​വ​ധി വി​നോ​ദ യാ​ത്രി​ക​രാ​ണ് ദി​വ​സേ​ന ഈ ​വ​ഴി​യി​ലൂ​ടെ എ​ത്തു​ന്ന​ത്. വ​ഴി​യാ​ത്ര സു​ര​ക്ഷി​ത​മാ​ക്കാ​ൻ ബ​ന്ധ​പ്പെ​ട്ട അ​ധി​കാ​രി ക​ളു​ടെ ഭാ​ഗ​ത്തു നി​ന്ന് അ​ടി​യ​ന്തര ന​ട​പ​ടി ഉ​ണ്ടാ​വ​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.

നെ​യ്യാ​റ്റി​ന്‍​ക​ര: അ​ക്ഷ​യ ഷോ​പ്പിം​ഗ് കോം​പ്ല​ക്സി​ല്‍ ഉ​പ​ഭോ​ക്താ​ക്ക​ളു​ടെ വാ​ഹ​ന​ങ്ങ​ള്‍ക്ക് പാ​ര്‍​ക്ക് ചെ​യ്യാ​നി​ട​മി​ല്ല. അ​ന​ധി​കൃ​ത വാ​ഹ​ന പാ​ര്‍​ക്കിം​ഗി​നെ​തി​രെ ന​ട​പ​ടി സ്വീ​ക​രി​ക്ക​ണ​മെ​ന്ന് ആ​വ​ശ്യം.

മ​ധ്യ​ഭാ​ഗ​ത്ത് വ്യാ​പാ​ര​സ്ഥാ​പ​ന​ങ്ങ​ള്‍​ക്കാ​യു​ള്ള ബ​ഹു​നി​ല മ​ന്ദി​ര​വും ഇ​രു​വ​ശ​ത്തും വാ​ഹ​ന​ങ്ങ​ളു​ടെ പാ​ര്‍​ക്കിം​ഗു​മാ​ണ് അ​ക്ഷ​യ ഷോ​പ്പിം​ഗ് കോം​പ്ല​ക്സ് നി​ര്‍​മി​ച്ച​പ്പോ​ള്‍ അ​ന്ന​ത്തെ ന​ഗ​ര​സ​ഭ ഭ​ര​ണ​സ​മി​തി വി​ഭാ​വ​നം ചെ​യ്ത​ത്. ക്ര​മേ​ണ കോം​പ്ല​ക്സി​ല്‍ കൂ​ടു​ത​ല്‍ നി​ര്‍​മാ​ണ പ്ര​വ​ര്‍​ത്ത​ന​ങ്ങ​ള്‍ ന​ട​ന്നു. കെ​ട്ടി​ട​ത്തി​ന്‍റെ രൂ​പ​രേ​ഖ ത​യാ​റാ​ക്കി​യ​പ്പോ​ള്‍ ഉ​ദ്ദേ​ശി​ച്ചി​രു​ന്ന​തി​നേ​ക്കാ​ള്‍ സ്ഥാ​പ​ന​ങ്ങ​ളും നി​ല​വി​ല്‍ വ​ന്നു.

ചു​റ്റും ഏ​റെ​ക്കു​റെ കെ​ട്ടി​മ​റ​യ്ക്ക​പ്പെ​ട്ട​പ്പോ​ള്‍ താ​ഴ​ത്തെ നി​ല​യി​ലെ ഇ​ട​നാ​ഴി​ക​ളി​ല്‍ പ​ക​ല്‍​നേ​രം പോ​ലും ഇ​രു​ട്ടു നി​റ​ഞ്ഞു. വ്യാ​പാ​ര സ്ഥാ​പ​ന​ങ്ങ​ള്‍​ക്കു ഗു​ണ​ക​ര​മാ​യേ​ക്കു​മെ​ന്ന ച​ര്‍​ച്ച​യു​ടെ അ​ടി​സ്ഥാ​ന​ത്തി​ല്‍ കോം​പ്ല​ക്സ് വ​ള​പ്പി​ല്‍ ഒ​രു വ​ശ​ത്ത് സ്കേ​റ്റിം​ഗ് റി​ങ്ക് നി​ര്‍​മി​ച്ച് വാ​ട​ക​യ്ക്ക് ന​ല്‍​കി.

പ​രി​ശീ​ല​ന​ത്തി​നാ​യി കു​ട്ടി​ക​ളെ​യും കൂ​ട്ടി വ​രു​ന്ന​വ​ര്‍ കോം​പ്ല​ക്സി​ലെ വ്യാ​പാ​ര സ്ഥാ​പ​ന​ങ്ങ​ളി​ലേ​യ്ക്ക് ചെ​ല്ലു​മെ​ന്നാ​യി​രു​ന്നു അ​ന്ന​ത്തെ ഭ​ര​ണ​സ​മി​തി​യു​ടെ ക​ണ​ക്കു​കൂ​ട്ട​ല്‍. എ​ന്നാ​ല്‍ ഈ ​ഭാ​ഗ​ത്തെ വാ​ഹ​ന പാ​ര്‍​ക്കിം​ഗി​ന് ന​ഗ​ര​സ​ഭ​യു​ടെ ന​ട​പ​ടി വ​ലി​യ തി​രി​ച്ച​ടി​യാ​യി. കെ​ട്ടി​ട​ത്തി​ന്‍റെ മ​റു​വ​ശ​ത്ത് വാ​ഹ​ന​ങ്ങ​ള്‍ പാ​ര്‍​ക്ക് ചെ​യ്തി​രു​ന്ന​യി​ട​ത്ത് പി​ന്നീ​ട് പു​തി​യ വ്യാ​പാ​ര സ​മു​ച്ച​യം നി​ര്‍​മാ​ണം പൂ​ര്‍​ത്തി​യാ​ക്കി.

മു​ന്‍ ഭ​ര​ണ​സ​മി​തി ഒ​രു സ്വ​കാ​ര്യ ഗ്രൂ​പ്പി​ന് പു​തി​യ കെ​ട്ടി​ടം മൊ​ത്ത​മാ​യി വാ​ട​ക​യ്ക്ക് ന​ല്‍​കി. ബ​ഹു​നി​ല കെ​ട്ടി​ടം വ്യാ​പാ​ര സ്ഥാ​പ​ന​മാ​യി പ്ര​വ​ര്‍​ത്തി​ച്ച് തു​ട​ങ്ങി​യ​തോ​ടൊ​പ്പം കോം​പ്ല​ക്സി​ന്‍റെ പ്ര​വേ​ശ​ന ക​വാ​ടം മു​ത​ല്‍ ഈ ​ഗ്രൂ​പ്പ് ത​ങ്ങ​ളു​ടെ പാ​ര്‍​ക്കിം​ഗ് ഏ​രി​യ​യാ​ക്കി ഉ​പ​യോ​ഗി​ക്കാ​ന്‍ ആ​രം​ഭി​ച്ചു. കോം​പ്ല​ക്സി​ല്‍ പ്ര​വ​ര്‍​ത്തി​ക്കു​ന്ന കോ​ട​തി ഉ​ള്‍​പ്പെ​ടെ​യു​ള്ള സ​ര്‍​ക്കാ​ര്‍ സ്ഥാ​പ​ന​ങ്ങ​ളി​ലേ​യ്ക്കും മ​റ്റു വ്യാ​പാ​ര സ്ഥാ​പ​ന​ങ്ങ​ളി​ലേ​യ്ക്കും വ​രു​ന്ന ഉ​പ​ഭോ​ക്താ​ക്ക​ളു​ടെ വാ​ഹ​ന​ങ്ങ​ള്‍ പാ​ര്‍​ക്ക് ചെ​യ്യാ​ന്‍ മ​തി​യാ​യ സൗ​ക​ര്യം കോ​ംപ്ലക്സിലില്ല.

കെ​എ​സ്​ആ​ര്‍​ടിസി ബ​സ് സ്റ്റാ​ന്‍​ഡി​നു മു​ന്‍​വ​ശ​ത്തെ അ​ന​ധി​കൃ​ത പാ​ര്‍​ക്കിം​ഗ് ന​ഗ​ര​സ​ഭ​യും പോ​ലീ​സും സം​യു​ക്ത​മാ​യി അ​വ​സാ​നി​പ്പി​ച്ച​തോ​ടെ ആ ​വാ​ഹ​ന​ങ്ങ​ളു​ടെ പാ​ര്‍​ക്കിം​ഗ് ഷോ​പ്പിം​ഗ് കോം​പ്ല​ക്സ് കോ​ന്പൗ​ണ്ടി​ലേ​യ്ക്ക് മാ​റി. നെ​യ്യാ​റ്റി​ന്‍​ക​ര​യു​ടെ വ്യ​ത്യ​സ്ത പ്ര​ദേ​ശ​ങ്ങ​ളി​ല്‍ നി​ന്നും തി​രു​വ​ന​ന്ത​പു​ര​ത്ത് ദി​വ​സ​വും ജോ​ലി​ക്ക് പോ​കു​ന്ന​വ​ര്‍ വാ​ഹ​ന​ങ്ങ​ള്‍ പാ​ര്‍​ക്ക് ചെ​യ്യാ​ന്‍ ക​ണ്ടെ​ത്തി​യി​രി​കു​ന്ന ഇ​ട​വും കോം​പ്ല​ക്സ് പ​രി​സ​രം ത​ന്നെ. കോം​പ്ല​ക്സി​ലെ സ്ഥാ​പ​ന​ങ്ങ​ളി​ലേ​യ്ക്ക് വ​രു​ന്ന ഉ​പ​ഭോ​ക്താ​ക്ക​ളു​ടെ വാ​ഹ​ന​ങ്ങ​ള്‍ മാ​ത്രം പാ​ര്‍​ക്ക് ചെ​യ്യാ​ന്‍ അ​നു​വ​ദി​ക്കു​ന്ന വി​ധ​ത്തി​ലു​ള്ള ന​ട​പ​ടി കൈ​ക്കൊ​ള്ള​ണ​മെ​ന്നാണ് ആവശ്യം.

കൊച്ചി: മലയാറ്റൂര്‍ നക്ഷത്ര തടാകം മെഗാ കാര്‍ണിവലിനോട് അനുബന്ധിച്ച് ഇന്നു വൈകുന്നേരം മുതല്‍ ഗതാഗത നിയന്ത്രണം. വാഹനങ്ങള്‍ പ്രത്യേകം തയാറാക്കിയ പാര്‍ക്കിംഗ് ഏരിയയില്‍ മാത്രം പാര്‍ക്ക് ചെയ്യണം. മലയാറ്റൂര്‍ പോസ്റ്റ് ഓഫീസ് ജംഗ്ഷന്‍ മുതല്‍ അടിവാരം വരെ റോഡിന്‍റെ ഇരുവശത്തും വാഹനങ്ങള്‍ പാര്‍ക്ക് ചെയ്യാന്‍ പാടില്ല.

വലിയ വാഹനങ്ങള്‍ കോടനാട് - മലയാറ്റൂര്‍ പാലത്തിന്‍റെ ഇപ്പുറത്തേക്ക് പ്രവേശിക്കാന്‍ പാടില്ല. അനധികൃതമായി പാര്‍ക്ക് ചെയ്യുന്ന വാഹനങ്ങള്‍ കണ്ടുകെട്ടുകയും ആര്‍സി ഉടമയ്‌ക്കെതിരെ നടപടി എടുക്കുകയും ചെയ്യും. മുന്‍കൂര്‍ അനുമതി വാങ്ങാതെ ട്രക്ക്, ടിപ്പര്‍ തുടങ്ങിയ വാഹനങ്ങള്‍ ഈ വഴി ഉപയോഗിക്കാന്‍ പാടില്ലെന്നും പൊലീസ് വ്യക്തമാക്കി.

മലയാറ്റൂര്‍ കാര്‍ണിവലിന് തൃശൂര്‍, ചാലക്കുടി, അങ്കമാലി ഭാഗത്ത് നിന്നു വരുന്നവര്‍ അങ്കമാലി ടിബി ജംഗ്ഷന്‍, തുറവൂര്‍, ചന്ദ്രപ്പുര, നടുവട്ടം, ജംഗ്ഷന്‍, നീലീശ്വരം വഴി വേണം മലയാറ്റൂര്‍ അടിവാരത്ത് എത്താന്‍. കാലടി ഭാഗത്ത് നിന്നുള്ളവര്‍ മേക്കാലടി, നീലീശ്വരം വഴി എത്തണം.

പെരുമ്പാവൂര്‍ ഭാഗത്ത് നിന്നുള്ളവര്‍ കുറിച്ചിലക്കോട്, കോടനാട്-മലയാറ്റൂര്‍ പാലം വഴിയാണ് വരേണ്ടത്. കോട്ടയം ഭാഗത്ത് നിന്നു വരുന്നവര്‍ക്ക് കീഴില്ലം ഷാപ്പുപടിയില്‍ തിരിഞ്ഞ്, രായമംഗലം, കുറുപ്പംപടി, കുറിച്ചിലക്കോട്, കോടനാട് - മലയാറ്റൂര്‍ പാലം വഴി എത്താം.

കോതമംഗലം ഭാഗത്ത് നിന്നുള്ളവര്‍ കുറുപ്പംപടി ജംഗ്ഷനില്‍ തിരിഞ്ഞ് കുറിച്ചിലക്കോട്, കോടനാട് മലയാറ്റൂര്‍ പാലം വഴിയും മലയാറ്റൂര്‍ അടിവാരത്ത് എത്താം. രാത്രി 11.45ന് ശേഷം വാഹനങ്ങളും കാല്‍നട യാത്രക്കാരെയും കാര്‍ണിവല്‍ സ്ഥലത്തേക്ക് കടത്തി വിടില്ല.

അതേസമയം, മലയടിവാരത്ത് 110 ഏക്കര്‍ വിസ്തൃതിയിലുള്ള മണപ്പാട്ടു ചിറയ്ക്ക് ചുറ്റുമുള്ള 10,023 നക്ഷത്രങ്ങളാണ് മലയാറ്റൂര്‍ കാര്‍ണിവലിന്‍റെ പ്രധാന ആകര്‍ഷണം. 60 അടിയുള്ള കൂറ്റന്‍ പപ്പാഞ്ഞിയും ഇവിടെയുണ്ട്. പുതുവര്‍ഷ പിറവിയില്‍ പപ്പാഞ്ഞിയെ ഡിജെ സംഗീതത്തിന്‍റെ അകമ്പടിയോടെ അഗ്നിക്കിരയാക്കും.